Sparverein

De zwoa san oanfoch ollwäul do

Ganz egal ob wos, ob wonn oder gor wo

Beim Auszohln hom se Költn g`littn

Drentn bei da Gorttn-Hittn

Da Glühweinverbrauch wor a gering

Weshoib i eahn a Lobliad sing.

Und a die Göd – Oholer wordn o.k. soweit

Wos Maskn, Obstond betrifft und a die Zeit  

Natürli hom schon etla g`moant

An KaffeE mechtns – und beinoh g`woant

Oba mir san – des is nid neu

Wirklich sehr Verordnungs-Treu

Hiaz werdn ma hoit mol miassn schaun

Ob ma uns onfonga kinnan wieder traun

Ob der blede „Lockdown“ oanmol aus

mir wieder einiderfn in des Haus

Hin zu die Kastln für des Göd

Es is zwor nid des wichtigsti auf insra Wöd

Oba es gonz guad wonn oans host wonnsts brauchst

Wäul etlichs du leichter donn datauchst

Wonn wird’s wieder gehen – des woits es wissen ?

A genaue Auskunft werds vamissn

Wäul koan Mensch konn des hiaz schon sogn

Es losst a nirgends si dafrogn

Oba wonn  es wieder möglich ist des Sporn

Auf dera Seitn kinnts de Soch  erfahrn

Mir werdn – es brauchts hiaz gor nid lochn

Donn sicher a an Aushong mochn.

Und bis de Soch laft wieder rund

Passt auf enk AUF  Leit und BLEIBTS GSUND !